Jarmošyna: Akcyi pratestu — samaja vialikaja pahroza dla parłamienckich vybaraŭ
Kiraŭnik Centrvybarkama Lidzija Jarmošyna nazvała mahčymyja akcyi pratestu apazicyi samaj vialikaj pahrozaj parłamienckich vybaraŭ u Biełarusi, jakija projduć u vieraśni.
Pra heta jana zajaviła ŭ intervju teleprahramie «Kontury» na ANT.
«Roznyja palityčnyja siły mohuć vykarystoŭvać vybary, jak padstavu, kab abvastryć palityčnuju situacyju. Usie zakliki, jakija razdajucca zaraz, pakazvajuć, što ŭdzielniki padziejaŭ 2010 hoda ničomu nie navučylisia navat u turmie. Heta značyć, jany sprabujuć spravakavać niejkija akcyi niepadparadkavańnia. Heta źjaŭlajecca samaj vialikaj pahrozaj», — skazała Jarmošyna.
«Z usim astatnim my spravimsia. Usio znachodzicca pad kantrolem. Nie baču padvodnych kamianioŭ, jakija mohuć uźniknuć», — dadała jana.
Kiraŭnik CVK pryznała, što «ŭ parłamiencie pavinny być pradstaŭleny roznyja palityčnyja siły, jany pavinny abaviazkova dyskutavać, vypracoŭvać kanstruktyŭnuju pazicyju na karyść hramadstva». «Kali kažuć, što parłamient nie miesca dla dyskusij — heta śmiešna», - skazała Jarmošyna.
Razam z tym, jana adznačyła, što «dziorzkija i śviadomyja dziejańni kaštavali niekatorym kandydatam deputackaha statusu». «Padčas zboru podpisaŭ nielha było razdavać ahitacyjnuju pradukcyju. Ale jaje ŭsio roŭna razdavali», — udakładniła Lidzija Jarmošyna.
Jana taksama nazvała «niadrennym i vytrymanym» paviedamleńnie misii naziralnikaŭ PASIE, jakoje źmiaščaje «niedachopy i plusy».