Rasijanin adpiłoŭvaje sabie palcy pa adnym na tydzień, patrabujučy pakarać palicejskich za zhvałtavańnie žonki
Žychar rasijskaha Mahnitahorska Ihar Hubanaŭ abvinavačvaje miascovych palicejskich u zhvałtavańni svajoj žonki Salimy Muchamiedźjanavaj. Adnak kryminalnuju spravu za pieravyšeńnie słužbovych paŭnamoctvaŭ supracoŭnikami palicyi spynili, a na Salimu zaviali spravu za chłuślivy danos.
Tady Hubanaŭ paabiacaŭ kožny paniadziełak adrezać pa adnym palcy na ruce da taho času, pakul śledčyja orhany nie pačnuć abjektyŭnaje rasśledavańnie incydentu sa zhvałtavańniem. Tydzień tamu mužčyna dobraachvotna ŭ znak pratestu pazbaviŭsia miezienca, a siońnia adpiłavaŭ biezymienny palec.
Jon patrabuje aznajomicca ź videazapisami z adździeła palicyi, jakija, jak jon upeŭnieny, dakazvajuć, što 26 studzienia 2016 hoda jaho žonku zhvałtavali. Kali hetaha zroblena nie budzie, paśla pazbaŭleńnia ŭsich palcaŭ mužčyna pahražaje zładzić akt samaspaleńnia.