Iran pahadziŭsia na raźmiaščeńnie rasijskich samalotaŭ na svajoj bazie ŭ Chamadanie
Minabarony RF atrymała zhodu ad urada Irana na vykarystańnie avijabazy «Chamadan» dla vyletaŭ u Siryju i bambavańniaŭ pazicyj «Isłamskaj dziaržavy».
Na iranskuju avijabazu «Chamadan» prybyli samaloty Tu-22M3 Pavietrana-kaśmičnych sił Rasii. Iran dazvoliŭ ich raźmiaščeńnie dla vyletaŭ u Siryju i naniasieńnia avijaŭdaraŭ pa pazicyjach bajevikoŭ terarystyčnaj hrupoŭki «Isłamskaja dziaržava», paviedamiŭ u aŭtorak, 16 žniŭnia, telekanał «Rasija-24», a taksama iranskija i arabskija ŚMI. Dysłakacyja samalotaŭ na iranskaj terytoryi dazvolić skaracić čas pieralotaŭ na 60 pracentaŭ.
Raniej «Interfaks» pisaŭ, što Ministerstva abarony źviarnułasia da Iraka i Irana z prośbaj dazvolić pralot u ich pavietranaj prastory kryłatych rakiet. Telekanał ren.tv zajaviŭ, što rasijskaje Minabarony ŭžo atrymała ad uradaŭ abiedźviuch krain zhodu na pralot rakiet «Kalibr», jakija zapuściać z karabloŭ u akvatoryi Kaśpijskaha i Mižziemnaha moraŭ u miežach vajennych vučeńniaŭ.
Manieŭry pačalisia 15 žniŭnia, paviedamlaje pres-słužba Paŭdniovaj vajennaj akruhi. U ich biaruć udzieł 20 karabloŭ kaśpijskaj fłatylii, u pryvatnaści rakietnyja karabli «Dahiestan» i «Tatarstan», a taksama małyja rakietnyja i artyleryjskija karabli «Hrad Śvijažsk», «Vialiki Uściuh», «Vałhadonsk» i «Machačkała».