Sprava zasnavalnika sajta 1863x.com Eduarda Palčysa pieradadziena ŭ sud
Kryminalnaja sprava ŭ dačynieńni da zasnavalnika sajta 1863x.com Eduarda Palčysa pa abvinavačvańni ŭ publikacyi materyjałaŭ, jakija raspalvajuć nacyjanalnuju varožaść i ŭtrymlivajuć parnahrafiju, pieradadziena ŭ sud.
«Kryminalnaja sprava pa abvinavačvańni ŭ ździajśnieńni złačynstvaŭ, praduhledžanych č.1 art. 130 KK i č.2 art. 343 KK pastupiła dla sudovaha razboru ŭ Minski haradski sud», — paviedamiła pres-sakratar Viarchoŭnaha suda Julija Laskova.
Pra datu pačatku słuchańniaŭ i farmacie budzie paviedamlena dadatkova.
Abvinavačvańnie Eduardu Palčysu było vystaŭlena ŭ červieni. Jak raspaviali ŭ Śledčym kamitecie, pierad pradjaŭleńniem abvinavačvańni Palčys admoviŭsia ad pasłuh abodvuch abaroncaŭ, jakija pradstaŭlali jaho intaresy, napisaŭšy adpaviednuju zajavu ŭ ich prysutnaści. Paśla čaho zajaviŭ ab pradastaŭleńni jamu dziaržaŭnaha abaroncy. Śledčy chadajnictva zadavoliŭ.