Hajdukieviča-starejšaha viaduć u sienatary
Staršynia Libieralna-demakratyčnaj partyi Biełarusi Siarhiej Hajdukievič vyłučany ad Minskaj vobłaści kandydatam u skład vierchniaj pałaty (Savieta Respubliki) Nacyjanalnaha schodu Biełarusi.
Siarhiej i Aleh Hajdukievičy, fota Iryny Arachoŭskaj
Pra heta siońnia paviedamiła na pres-kanfierencyi staršynia Centralnaj vybarčaj kamisii Lidzija Jarmošyna.
Jana skazała, što vyłučeńnie kandydataŭ u vierchniuju pałatu skončycca 19 žniŭnia. Pavodle jaje słovaŭ, usie abłasnyja arhanizacyi, za vyklučeńniem Minska, užo vyłučyli svaich kandydataŭ. Siarod ich jość i svojeasablivyja rekardsmeny. Tak, dva pradstaŭniki Viciebskaj vobłaści — dyrektar abutkovaj fabryki «Marka» Mikałaj Martynaŭ i dyrektar pradpryjemstva «Viciebskabłhaz» Piotr Šeršań — užo try razy byli «sienatarami».
Tym časam syn Siarhieja Hajdukieviča i jaho pieršy namieśnik pa partyi Aleh Hajdukievič vyłučajecca kandydatam u deputaty Pałaty pradstaŭnikoŭ. Na pytańnie, ci nie budzie ŭ takoj situacyi «siamiejnaści», Lidzija Jarmošyna adkazała, što jany bałatujucca ŭ roznyja pałaty i kanfliktu intaresaŭ tut niama.