Biełaruski zaniali 6-je miesca ŭ finale bajdarak-dvojek
Nadzieja Lapieška i Maryna Litvinčuk zaniali 6-je miesca ŭ finale zajezdu na 500 mietraŭ bajdarak-dvojek u Rya-2016 z vynikam 1 chvilina 46,967 siekundy.
Vyjhrała honku Vienhryja (Habryeła Žabo, Danuta Kozak, vynik — 1:43,687).
U Hiermanii (Francyska Vieber, Cina Datce) —2-je miesca (1,43,738), u Polščy (Karalina Naja/ Bieata Mikałajčyk, 1:45,207) — 3-je miesca.
***
Nahadajem, što na Alimpijadzie ŭ Rya ŭ Biełarusi — piać miedaloŭ: adno zołata, dva srebry i dźvie bronzy.
Siońnia pačynajecca kvalifikacyja ŭ zabiehu na 100 m z barjerami i žančyn, dzie vystupajuć Alina Tałaj i Kaciaryna Papłaŭskaja, a taksama ŭ kvalifikacyi kidańnia kapja (Taćciana Chaładovič i Taćciana Korž). Finał tut projdzie ŭ noč na čaćvier.
Volha Sudarava pasprabuje siońnia pieraadoleć kvalifikacyju ŭ skačkach u daŭžyniu, a Kaciaryna Biełanovič vystupić u paŭfinale biehu na 400 m z barjerami. U kvalifikacyi skačkoŭ z šastom vystupić Iryna Jakałcevič.
Siońnia zaklučny dzień u turniry barcoŭ hreka-rymskaha stylu. U vahavoj katehoryi da 98 kh ščaścia pašukaje biełaruski atlet Cimafiej Dziejničenka. Pieršy boj u 16:08.
U mužčynskich spabornictvach pa ciažkaj atletycy ŭ supierciažkaj vazie (zvyš 105 kh) vystupić biełaruski štanhist Alaksiej Mžačyk. Pačatak u 21:30
U omniumie (vid viełasportu) praciahnie spaborničać Taćciana Šarakova.