Na vyjeździe ź Minska na darozie valalisia tysiačy «Sovietskoj Biełoruśsii» FOTA
Śviedkami niezvyčajnaha vidovišča stali minskija aŭtamabilisty zranku 15 žniŭnia. Jak piša sajt abw.by, na vyjeździe sa stalicy ŭ bok Baraŭlanaŭ viecier haniaŭ sotni, kali nie tysiačy haziet.
Pa słovach śviedkaŭ, asnoŭnuju kolkaść składali asobniki hałoŭnaj aficyjnaj haziety — «Sovietskoj Biełoruśsii». Kali pryhledziecca da zdymkaŭ, to možna pabačyć i inšyja vydańni.
Fotazdymki ŭ siecivie raźmiaściŭ Alaksandr Alaškievič. Pa jaho słovach, DAI pryjechała chvilin praz 20. Peŭny čas pravaachoŭniki dumali, chto pavinien navieści paradak, i ŭrešcie vyklikali «Ramaŭtadar».
Aŭtar fota miarkuje, što haziety i časopisy vyvalilisia z MAZa, jaki pieravoziŭ ich. Paviedamlajecca, što vydańni raźniesła vietram až da AZS «A-100» na Baravoj.