Premjer-ministr Turcyi: Cpraviadlivy sud dla miaciežnikaŭ strašniej za śmiarotnaje pakarańnie
Premjer-ministr Turcyi Binali Jyłdyrym zajaviŭ, što spraviadlivaje sudovaje raźbiralnictva — bolš surovaje pakarańnie dla miaciežnikaŭ, čym śmiarotnaje pakarańnie.
«U vypadku pakarańnia čałaviek pamiraje tolki adzin raz. Dla zmoŭščykaŭ jość bolš surovaja śmierć - heta abjektyŭnaje i spraviadlivaje raźbiralnictva», — zajaviŭ Jyłdyrym na sustrečy ź siabrami kirujučaj Partyi spraviadlivaści i raźvićcia.
Premjer-ministr dadaŭ, što pry vyniasieńni pakarańnia prapaviedniku Fietułachu Hiulenu, jakoha ŭłady nazyvajuć ideołaham niaŭdałaha buntu, Turcyja nie budzie kiravacca pačućciom pomsty.
Jak paviedamlaje Hurriyet Daily News, prysutnyja niekalki razoŭ pierapyniali vystup Jyłdyryma krykami: «My chočam śmiarotnaha pakarańnia».
Na fota — aryšt tureckich žurnalistaŭ, u pryvatnaści Biušry Erdał, vieterana sudovaj žurnalistyki. @MahirZeynalov