U Baranavičach baćka ŭziaŭ 5‑miesiačnuju dačku zakładnicaj
Sprava, jakaja razhladałasia Baranavickim sudom, analahaŭ pakul, dziakuj bohu, nia maje.
Žonka 26‑hadovaha žychara rajcentra vyklikała milicyju z pryčyny siamiejnaha skandału. A kali ŭčastkovy pryjšoŭ, mužčyna schapiŭ videlec, prystaviŭ da šyi maleńkaj dački i patrabavaŭ, kab milicyjant syšoŭ.
Supracoŭnik HAUS vyklikaŭ dapamohu. U toj momant, kali jaho kalehi ŭvachodzili ŭ kvateru, baćka dziaŭčynki zasiarodziŭ uvahu na ich, i ŭčastkovamu ŭdałosia vychapić ź jaho ruk videlec.
U taty zabrali dačku.
Na dniach sud vynies nakont mužčyny svoj vierdykt — 6 hadoŭ pazbaŭleńnia voli ŭ kałonii ŭzmocnienaha režymu. 18‑hadovaja žonka złačyncy paličyła taki prysud vielmi žorstkim.