Ukraina budzie zakuplać uranavy pradukt va URENCO
NAEK «Enierhaatam» i brytanska-niamiecka-hałandskaja kampanija URENCO padpisali trochhadovy kantrakt na pastaŭku ŭranaŭzbahačanaha praduktu dla patreb ukrainskich atamnych elektrastancyj.
Padpisańnie dakumienta adbyłosia ŭ čaćvier u Kijevie, paviedamlaje «Interfaks-Ukraina».
«My padpisali kantrakt na pastaŭku uzbahačanaha ŭranavaha praduktu dla patreb ŭkrainskich AES. Hety pradukt na praciahu troch hadoŭ buduć pastaŭlać na zavod Westinghouse ŭ Šviecyi, dzie vyrablajucca paliŭnyja zborki dla našych atamnych elektrastancyj», — skazaŭ prezident «Enierhaatamu» Juryj Niedaškoŭski.
Jon dadaŭ, što dakumientam praduhledžvajecca štohadovaja harantavanaja pastaŭka dźviuch partyj uzbahačanaha ŭranu, a taksama apcyjanalna dźvie dadatkovyja pastaŭki ŭ hod.
URENCO źjaŭlajecca pastaŭščykom uzbahačanaha ŭranavaha praduktu dla «Enierhaatama» pa vynikach tendaru, u jakim udzielničali piać kampanij.