Siryjski chłopčyk, jaki vyžyŭ paśla avijaŭdaru ŽACHLIVAJE VIDEA
U anhłamoŭnym śviecie raspaŭsiudžvajecca videa ź siryjskim chłopčykam, jakoha ŭratavali paśla bambiožki. Usie viadučyja ŚMI śvietu raspaŭsiudzili hety zapis učora ŭviečary.
Na videa dzicia vynosiać z-pad druzu ŭ horadzie Alepa. Hety horad byŭ spustošany pastajannymi abstrełami.
Čałaviek vynies chłopčyka z-pad abłomkaŭ i pasadziŭ u aranžavaje kresła aŭtamabila chutkaj dapamohi. Chłopčyk vyciraje svaje vočy i tvar ad kryvi paśla taho, jak čałaviek sychodzić.
Chłopčyka kličuć Omran Dakniš, jamu piać hadoŭ. Jon, jašče čaćviora dziaciej, a taksama žančyna i dvoje maładych mužčyn paciarpieli ŭ vyniku avijaŭdaru pa Alepa.
Bolš 250 000 čałaviek zahinuli i miljony byli pieramieščanyja sa svaich miescaŭ pražyvańnia ŭ časie siryjskaha kanfliktu, jaki praciahvajecca doŭhija hady. Niadaŭna siryjski horad Alepa atrymaŭ mižnarodnuju ŭvahu jak miesca humanitarnaj katastrofy.