U vychodnyja budzie ciopłaje, kamfortnaje i spakojnaje nadvorje
U Biełarusi ŭzmacniajecca vobłaść vysokaha cisku, jakaja razhornie pavietranyja patoki i pačnie akazvać daminujučy ŭpłyŭ na nadvorje. U krainu vierniecca letni charaktar nadvorja. Ciopłyja pavietranyja masy adrazu adabjucca na pavyšeńni tempieraturnaha fonu.
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Z-za blizkaści atmaśfiernaha frontu ŭ subotu va ŭschodnich miežaŭ, a ŭ niadzielu kala Bresckaj vobłaści miescami nie vyklučany karotkija daždžy i navalnicy.
Tempieratura pavietra ŭ subotu, 20 žniŭnia, składzie nočču +10 +16°S, miescami +7 — + 9°S; dniom +22 — +28°S.
U stalicy ŭ subotu biez apadkaŭ, tempieratura nočču +12 — + 14°S, dniom +24 — +26°S.
U niadzielu, 21 žniŭnia, nočču čakajecca +9 + 15°S, pa zachadzie da + 17°S; dniom ad + 24°S pa paŭnočnym uschodzie da + 31°S pa poŭdni krainy.
U Minsku ŭ niadzielu apadki taksama nie prahnazujucca, tempieratura nočču +12 — +14°S, dniom +26 — +28°S.
U paniadziełak, 22 žniŭnia, na fonie vysokaha atmaśfiernaha cisku, budzie prachodzić małaaktyŭny atmaśfierny front, jaki pryniasie ŭ asobnyja rajony karotkačasovyja daždžy, navalnicy. Ale budzie pa raniejšamu vielmi ciopła: nočču +11 — +18°S, dniom +24 — +29°S, pa paŭdniovym uschodzie +30 — + 32°S.
U Minsku — bieź istotnych apadkaŭ, tempieratura nočču +14 — +16°S, dniom +27 — +29°S.
Tempieratura vady ŭ rekach i vadajomach składaje +14 — +21°S.