U MNS budzie svoj univiersitet
Alaksandr Łukašenka 19 žniŭnia padpisaŭ ukaz ab stvareńni Univiersiteta hramadzianskaj abarony MNS Biełarusi.
Ukaz praduhledžvaje stvareńnie ŭ Minsku dziaržaŭnaj ustanovy adukacyi «Univiersitet hramadzianskaj abarony Ministerstva pa nadzvyčajnych situacyjach Respubliki Biełaruś». Jon stvarajecca šlacham abjadnańnia isnujučych navučalnych ustanoŭ hetaha viedamstva — Kamandna-inžyniernaha instytuta, Homielskaha inžyniernaha instytuta, Instytuta pierapadrychtoŭki i pavyšeńnia kvalifikacyi, jakija ažyćciaŭlajuć ciapier navučańnie pa adnolkavych abo rodnasnych śpiecyjalnaściach.
«Stvareńnie univiersiteta daść mahčymaść sfarmiravać adzinuju sistemu padrychtoŭki kadraŭ u intaresach MNS i inšych dziaržorhanaŭ — ad vypusknika liceja da śpiecyjalista vyšejšaj navukovaj kvalifikacyi», — havorycca ŭ paviedamleńni.
Univiersitet hramadzianskaj abarony budzie ŭtvorany na bazie Kamandna-inžyniernaha instytuta ŭ Minsku i budzie ŭklučać u siabie filijały ŭ Homieli i ŭ pasiołku Śvietły Haj u Barysaŭskim rajonie.
U Minsku buduć navučacca kursanty dla atrymańnia vyšejšaj adukacyi, funkcyjanavać mahistratura, adjunktura, daktarantura. U filijale ŭ Homieli budzie ažyćciaŭlacca padrychtoŭka pa rabočych prafiesijach (vyratavalnikaŭ-pažarnych, vidzicielaŭ, dyśpietčaraŭ), u pasiołku Śvietły Haj — pavyšeńnie kvalifikacyi i pierapadrychtoŭka rabotnikaŭ.
Stvareńnie univiersiteta dazvolić taksama pavysić efiektyŭnaść pracy na mižnarodnym rynku adukacyjnych pasłuh, a taksama kankurentazdolnaść siarod navučalnych ustanoŭ avaryjna-vyratavalnaha profilu inšych dziaržaŭ, adznačaje pres-słužba prezidenta.