«Detrojt Red Uinhz» u 11-ty raz zavajavaŭ Kubak Stenli

Mienavita pad «čyrvonyja kryły» trapiła «Kałarada» Rusłana Saleja ŭ čverćfinale Kubku Stenli.

U šostym matčy, što prajšoŭ unačy ŭ Pitsburhu, «čyrvonyja kryły» adoleli «pinhvinaŭ» ź likam 3:2 (pa peryjadach 1:0, 1:1, 1:1). Kančatkovy lik u seryi 4:2 na karyść «Detrojtu Red Uinhz».

Hety matč budzie siońnia pakazany pa kanale «Ład» u 23:20.

Nahadajem, što kluby, za jakija vystupajuć biełaruskija chakieisty, vybyli ŭ druhim raŭndzie Kubku Stenli. «Manreal» (braty Kaścicyny i Hraboŭski) sastupili «Fiładelfii», a «Kałarada», za jakoje pylić Rusłan Salej, - akurat «Detrojtu», pryčym z razhromnym likam 0:4

«Detrojt» staŭ 11-cirazovym uładalnikam Kubku Stenli.

Tym časam siońnia, u noč na piatnicu, startuje finał Nacyjanalnaj baskietbolnaj asacyjacyi. «Bostan Sełtyk» suprać «Łos-Andžełas Lejkierz». Chto kaho: kielty abo aziorniki?

Kamientary da artykuła