Va Uźbiekistanie admienienyja ŭračystaści ŭ honar Dnia niezaležnaści
Va Uźbiekistanie admienienyja zapłanavanyja na 31 žniŭnia aficyjnyja ŭračystaści, prymierkavanyja da 25-ch uhodkaŭ abviaščeńnia niezaležnaści krainy.
U papiarednija hady ŭ hety dzień prezident Uźbiekistana Isłam Karymaŭ zvyčajna źjaŭlaŭsia na publicy. Ale napiaredadni stała viadoma, što jon pieranios prystup i špitalizavany ŭ ciažkim stanie.
Pakul niezrazumieła, ci admienienyja śviatočnyja mierapryjemstvy mienavita pa pryčynie ciažkaj chvaroby abo śmierci prezidenta. Niajasna taksama, ci adbuducca narodnyja hulańni, jakija ŭ suviazi sa śviatam zvyčajna pravodziacca 1 vieraśnia.
Ab špitalizacyi Karymava z krovaźlićciom u mozh stała viadoma, kali jaho dačka Łoła Karymava-Cilajeva napisała pra heta ŭ fejsbuku ŭ paniadziełak.
U toj ža dzień uviečary navinavaje vydańnie «Fierhana» paviedamiła, što Karymaŭ pamior u balnicy 29 žniŭnia ŭ 15-16 hadzin pa taškienckim časie (13-14 hadzin pa Minsku).
Rasijskija ahienctvy sa spasyłkaj na krynicy ŭ aparacie prezidenta Uźbiekistana zajavili, što infarmacyja pra śmierć uźbiekskaha lidara nie adpaviadaje rečaisnaści.