«Ratujcie naš dom»: žychary vyjšli z raściažkaj na praśpiekt Niezaležnaści FOTAFAKT
Zaviaršeńnia kapitalnaha ramontu, jaki ciahniecca ŭžo amal čatyry hady, zapatrabavali žychary doma № 80 pa praśpiekcie Niezaležnaści. Jany vyjšli na pratest pry padtrymcy kandydata ŭ deputaty Juryja Hubareviča.
Kapitalny ramont domu pačaŭsia ŭ sakaviku 2013 hodzie. Adnak da hetaha času šmat što nie zroblena, u pryvatnaści, nie zavieršanaja źmiena sistemy aciapleńnia, liŭnievaja kanalizacyja nie całkam padklučanaja da sietki, jość prablema sa śmiećciezboram, nie praviedzieny ramont liftoŭ, nie zakončanaje dobraŭparadkavańnie dvara, nie zrobleny ramont dvaravych darohaŭ. Na svaje zvaroty žychary domu atrymlivajuć adpiski.
Akcyja raspačałasia ŭ dvary, udzielniki razharnuli raściažku: «Ratujcie naš dom! Pr-t Niezaležnaści 80. Patrabujem zakončyć kapramont».
«U hetym domie što nie zroblena? Pa-pieršaje, čamu tak doŭha? My stolki hod płacili, kab byŭ zrobleny kapramont. Nakapili dastatkova srodkaŭ, kab byŭ zrobleny kapitalny ramont. Čamu jaho nie zakončyli? Dzie adkaz?» — zapytaŭ adzin z žycharoŭ doma Viktar Nyrkoŭ.
Praź niejki čas akcyja pieramiaściłasia na chodniki praśpiekta Niezaležnaści. Ahułam u akcyi pryniali ŭdzieł kala 20 žycharoŭ doma. Aktyŭ žycharoŭ pačaŭ zbor podpisaŭ pad pietycyi da ŭładaŭ.