V.a rektara EHU płanujuć pryznačyć da pačatku navučalnaha hoda
Vykanaŭca abaviazkaŭ rektara Jeŭrapiejskaha humanitarnaha ŭniviersiteta (EHU) budzie pryznačany da 3 kastryčnika, kali ŭ VNU pačniecca novy navučalny hod, paviedamiŭ kiraŭnik pa kamunikacyjach i markietynhu EHU Maksimas Miłta.
Pavodle jaho słoŭ, na čas adsutnaści vykanaŭcy abaviazkaŭ rektara prava jaho podpisu delehavanaje prezidentu ŭniviersiteta Anatolu Michajłavu.
Nahadajem, były rektar EHU Devid Polik, jaki zajmaŭ hetuju pasadu z krasavika 2015 hoda, zaviaršyŭ svajo znachodžańnie na pasadzie ŭ kancy červienia hetaha hoda.
Šukać kandydataŭ na pasadu pastajannaha rektara EHU budzie šviedski ofis mižnarodnaha ahienctva pa padbory piersanału, jaki naniało Šviedskaje ahienctva mižnarodnaha raźvićcia (SIDA). Zaraz SIDA ažyćciaŭlaje nahlad za Trastavym fondam EHU. Miłta adznačyŭ, što pošuk rektara budzie maksimalna adkrytym, adnak pra terminy kazać zaŭčasna.
U novym navučalnym hodzie zaniatki ŭ EHU pačnucca dla prykładna tysiačy studentaŭ, u tym liku bolš jak 250 pieršakurśnikaŭ, bolšaść jakich źjaŭlajucca hramadzianami ci pastajannymi rezidentami Biełarusi.
Navučalny hod pačniecca ŭ starym korpusie EHU, adnak u chutkim časie ŭniviersitet płanuje pierajechać u kompleks Aŭhuścinskaha manastyra ŭ staroj Vilni. Rekanstrukcyja pamiaškańniaŭ užo zavieršanaja, ich prystasoŭvajuć pad patreby EHU, skazaŭ Miłta.