BIEŁ Ł RUS

Pad Smalavičami pjany palak na fury prataraniŭ na sustrečcy Suzuki: zahinuli dvoje

26.09.2016 / 10:18

Nashaniva.com

sk.gov.by

Dva čałavieki zahinuli i jašče dva, u tym liku dzicia, atrymali traŭmy roznaj stupieni ciažkaści ŭ DTZ, jakoje adbyłosia ŭviečary 25 vieraśnia na 2 kiłamietry trasy Słabada — Papiernia — Radaškovičy ŭ Smalavickim rajonie.

— Pa papiarednich dadzienych, 51-hadovy hramadzianin Polščy, kirujučy hruzavym aŭtamabilem «Reno Mahnum», vyjechaŭ na pałasu sustrečnaha ruchu i ździejśniŭ sutyknieńnie z «Suzuki Balena», — paviedamiła aficyjnaja pradstaŭnica USK pa Minskaj vobłaści Taćciana Biełanoh.

U vyniku DTZ kiroŭca i pasažyr lehkavoha aŭtamabila ad atrymanych traŭmaŭ pamierli na miescy zdareńnia. Ich cieły z paškodžanaha aŭtamabila dastavali ratavalniki. U balnicu z roznymi traŭmami dastaŭleny žančyna i małoje dzicia, pasažyry «Suzuki».

Smalavickim RASK u dačynieńni da hramadzianina Polščy zaviedziena kryminalnaja sprava pa č. 3 art. 317 (Parušeńnie PDR, što paciahnuła pa nieaściarožnaści śmierć dvuch čałaviek) KK Respubliki Biełaruś. Padazravany zatrymany, ź im pracujuć śledčyja. Pa vynikach ahladu ŭ mužčyny vyjaŭlena 2,3 pramile ałkaholu.

Čytajcie taksama:

Kamientary da artykuła