U Hrodnie dvuchhadovy chłopčyk prahłynuŭ adrazu siem batarejek
Dzicia pastupiła ŭ pryjomnaje adździaleńnie Hrodzienskaj dziciačaj abłasnoj kliničnaj balnicy 27 vieraśnia. Chłopčyk znajšoŭ u šafie niekalki płoskich batarejek i prahłynuŭ ich. Paśla renthienu vyśvietliłasia, što adna batarejka znachodzicca na ŭzroŭni paduzdyšnaj kostki, a astatnija — u straŭniku.
Ich udałosia dastać pry dapamozie śpiecyjalnaha košyka. Chłopčyk vioŭ siabie spakojna, tamu miedycynskuju manipulacyju daktary praviali biez narkozu. Usiaho sa straŭnika maleńkaha pacyjenta dastali 6 batarejek. Zaraz chłopčyk znachodzicca pad nahladam u chirurhičnym adździaleńni ŭ čakańni samastojnaha vychadu siomaj pa liku batarejki, jakaja paśpieła «ŭciačy» ŭ kišečnik.
Darečy, u hety dzień, akramia taho vypadku, u balnicu ekstrana dastavili jašče troch maleńkich pacyjentaŭ z padazreńniem na takija inšarodnyja cieły, jak kaštan u straŭniku, tabletku askarbinki, što zatrymałasia ŭ stravavodzie, i prahłynutuju razžavanuju šklanuju ampułu.