Parašenka sustreŭsia z patryjarcham Ijerusalimskim u pošukach padtrymki dla samastojnaści Ukrainskaj pravasłaŭnaj carkvy
Fota pres-słužby prezidenta Ukrainy.
U časie naviedvańnia Izraila dla ŭdziełu ŭ pachavańni byłoha kiraŭnika krainy Šymona Pieresa Piatro Parašenka mieŭ sustreču z patryjarcham Ijerusalimskim Fieafiłam III.
Razam ź im Piatro Parašenka pabyvaŭ u chramie Truny Haspodniaj.
«Ojča, vašy malitvy hranična važnyja dla naroda Ukrainy», — skazaŭ prezident Ukrainy ŭ zvarocie da patryjarcha.
Jon vykazaŭ padziaku Fieafiłu III za padtrymku z boku Ijerusalimskaha patryjarchatu ŭ pracesie ažyćciaŭleńnia pamknieńniaŭ ŭkrainskaha naroda abjadnacca ŭ Adzinuju pamiesnuju aŭtakiefalnuju Ukrainskuju pravasłaŭnuju carkvu.
Na siońnia va Ukrainie isnuje jak UPC Kijeŭskaha patryjarchata, tak i UPC Maskoŭskaha patryjarchata, a taksama mienšyja pa kolkaści viernikaŭ Ukrainskaja hreka-katalickaja carkva i Ukrainskaja aŭtakiefalnaja pravasłaŭnaja carkva.