Žančyna, paranienaja ŭ handlovym centry «Jeŭropa» ŭ Minsku, znachodzicca ŭ reanimacyi
Paciarpiełaja ŭ vyniku siońniašniaha napadu maładoha čałavieka ź bienzapiłoj i siakieraj na naviedvalnikaŭ handlovaha centra «Jeŭropa» na vulicy Surhanava ŭ Minsku — žančyna 46 hadoŭ. Pra heta paviedamiŭ telekanał «Biełaruś-1» u prahramie «Panarama».
Žančyna ciapier znachodzicca ŭ reanimacyi 10-j haradskoj kliničnaj balnicy. Złačyniec nanios joj niekalki ŭdaraŭ siakieraj u hrudzi. Stan pacyjentki ciažki.
8 kastryčnika minčanin 1998 hoda naradžeńnia, prystojna apranuty, zajšoŭ u handlovy centr z futarałam dla hitary i bienzapiłoj u 17.27. Na jaho nichto nie źviarnuŭ uvahi. Zavioŭšy bienzapiłku, a 17-j 28 jon nakinuŭsia na dziaŭčynu, ad atrymanych traŭmaŭ jana pamierła. Zatym dastaŭ z futarała siakieru i pačaŭ pahražać navakolnym. Traŭmy atrymała žančyna 46 hadoŭ.