U Polščy buduć sudzić Jaruzelskaha
Byłoha kiraŭnika PNR buduć sudzić za ŭviadzieńnie vajennaha stanovišča ŭ 1981 h. Takuju pastanovu pryniaŭ siońnia Apelacyjny sud.
Takuju pastanovu pryniaŭ siońnia Apelacyjny sud.
Vojciech Jaruzelski, Česłaŭ Kiščak i Stanisłaŭ Kania abvinavačvajucca va ŭviadzieńni vajennaha stanu ŭ Polščy ŭ 1981 h., što paciahnuła za saboj represii
Apelacyjny sud adchiliŭ rašeńnie nižejšaj instancyi ab viartańni da Instytutu nacyjanalnaj pamiaci aktu abvinavačańnia.
Było zaznačana, što sabranych materyjałaŭ dastatkova, kab raspačać praces.
Vojciech Jaruzelski naradziŭsia 6 červienia 1923 h. u Kuravie (Lublinskaje vajavodztva). U 1939 h. byŭ aryštavany NKVD i vysłany ŭ Kazachstan. U 1943 h. ustupiŭ u polskuju armiju, što farmavałasia na terytoryi SSR. U 1960--1965 hh. -- načalnik Hałoŭnaha palityčnaha ŭpraŭleńnia Vojska Polskaha, z krasavika 1968 pa listapad 1983 h. ministar abarony. Braŭ udzieł u padaŭleńni Praskaj viasny.
13 śniežnia 1981 h. abviaściŭ ab uviadzieńni vajennaha stanovišča ŭ Polščy.
Častka daśledčykaŭ ličyć, što ŭviadzieńnie vajennaha stanovišča i represii suprać "Salidarnaści" vyratavali Polšču ad čarhovaj savieckaj akupacyi.