DNR abviaściła pra vydvareńnie žurnalistaŭ «Doždia»
«Ministerstva dziaržbiaśpieki» samaabvieščanaj Danieckaj narodnaj respubliki abviaściła pra vydvareńnie z padkantrolnaj joj terytoryi na ŭschodzie Ukrainy dvuch žurnalistaŭ telekanała «Dožd́», što raniej pierastali vychodzić na suviaź.
«Na terytoryi respubliki była vyjaŭlena dziejnaść supracoŭnikaŭ telekanała «Dožd́», jakija padali ŭ ministerstva infarmacyi zaviedama iłžyvyja asabistyja źviestki z metaj atrymańnia akredytacyi», - cytuje Bi-bi-si paviedamleńnie na sajcie viedamstva.
Viedamstva zajaŭlaje, što žurnalistaŭ telekanała zaprasili ŭ budynak MDB dla dačy tłumačeńniaŭ «pa fakcie niezakonnaj žurnalisckaj dziejnaści i demanstracyi źniatych videamateryjałaŭ».
«Pry prahladzie videazapisaŭ supracoŭnikami ministerstva ŭstanoŭlena, što jany nosiać nieabjektyŭny i pravakacyjny charaktar. U iłžyvym śviatle adlustroŭvajuć sacyjalna-ekanamičnuju i palityčnuju situacyju ŭ respublicy», - śćviardžajecca ŭ paviedamleńni.
Pra stratu suviazi z dvuma svaimi žurnalistami, jakija źjechali ŭ kamandziroŭku ŭ Danieck, telekanał «Dožd́» paviedamiŭ viečaram 25 listapada. Kanał adznačaŭ, što Siarhiej Jeržankoŭ i Vasil Pałonski atrymali akredytacyju ŭ Słužbie biaśpieki Ukrainy i ŭ ministerstvie infarmacyi DNR.
Jak adznačaje «Dožd́», napiaredadni Jeržankoŭ i Pałonski zapisvali ŭ Daniecku intervju z byłym sakratarom savieta biaśpieki DNR Alaksandram Chadakoŭski.