Chłopcy z Baranavič za dźvie hadziny abakrali naviedvalnikaŭ troch mienskich kaviarań
U Baranavičach pravaachoŭniki zatrymali traich maładych ludziej, jakija krali hrošy ŭ naviedvalnikaŭ minskich kafe. Pra heta piša HUUS Minharvykankama.
Paviedamlajecca, što dvoje žycharoŭ Baranavičaŭ i ich pryjaciel z Maskvy pryjechali ŭ Minsk, dzie mienš čym za 2 hadziny skrali hrošy i majomaść naviedvalnikaŭ 3 staličnych kafe. U adnym kafe jany zachapili zaplečnik z 12 tysiačami rubloŭ, jakija ŭziaŭ z saboj na dziełavuju sustreču mužčyna. U druhoj zale hetaj ža ŭstanovy maładyja ludzi skrali noŭtbuk za 8 tysiač rubloŭ. Jašče ŭ dvuch kafe złamyśniki skrali hrošy z kurtki i iPad. Paśla hetaha jany adrazu źjechali ŭ Baranavičy, dzie nieŭzabavie byli zatrymanyja supracoŭnikami kryminalnaha vyšuku Centralnaha RUUS stalicy.
Pa dadzienym fakcie zaviedzienaja kryminalnaja sprava, pravodzicca rasśledavańnie. Raniej chłopcy nieadnarazova byli sudzimyja za majomasnyja złačynstvy.