BIEŁ Ł RUS

U Hrodnie dziejničała pryhožaja machlarka

16.01.2017 / 10:9

Nashaniva.com

Hrodzienskim mižrajonnym adździełam Śledčaha kamiteta zaviedziena kryminalnaja sprava ŭ dačynieńni da žycharki Hrodna Kniha (Roj) Julii Uładzimiraŭny, 1985 hoda naradžeńnia, padazravanaj u ździajśnieńni ašukanskich dziejańniaŭ u asabliva bujnym pamiery (č.4 art.209 Kryminalnaha kodeksa Respubliki Biełaruś), paviedamlaje pres-słužba SK.

U chodzie rasśledavańnia vyjaŭlena, što z krasavika 2015 pa luty 2016 hoda, złoŭžyvajučy davieram, žančyna ŭziała ŭ doŭh 35 tysiač jeŭra ŭ žychara Hrodna, nie majučy namieru viartać.

Akramia taho, na padstavie nabyćcia miedycynskaha abstalavańnia i ramontu aŭtamabila zavałodała hrašovymi srodkami jašče adnaho hrodzienca ŭ sumie kala 1500 dalaraŭ ZŠA i sprabavała skraści ŭ jaho jašče 3500 rubloŭ.

Taksama paciarpiełym pryznany žychar Minska, u jakoha žančyna pad markaj nabyćcia mebli i budaŭničych materyjałaŭ skrała zvyš 14 tysiač rubloŭ.

Śledčyja vyśvietlili, što Kniha (Roj) Ju.V. raniej była dvojčy sudzimaja za ŭčynieńnie anałahičnych ašukanskich dziejańniaŭ. U ciapierašni čas nidzie nie pracuje. Skradzienych hrašovych srodkaŭ i majomaści, jakaja padlahaje aryštu, u jaje nie vyjaŭlena. Praviarajecca atrymanaja infarmacyja ab hulniavoj zaležnaści žančyny.

U dačynieńni da padazravanaj prymieniena miera strymańnia ŭ vyhladzie zaklučeńnia pad vartu. Akramia vyśviatleńnia faktyčnych abstavinaŭ nazvanych złačynstvaŭ, śledčyja sumiesna z supracoŭnikami milicyi šukajuć inšych hramadzian, jakija mahli paciarpieć ad dziejańniaŭ Kniha (Roj) Ju. Źviartacca pa hetym pytańni, a taksama akazać dapamohu ŭ rasśledavańni možna pa telefonach: (8-015) 72-41-62 abo 102.

Čytajcie taksama:

Kamientary da artykuła