Na AES u Francyi adbyŭsia pažar
Pažar adbyŭsia na AES na paŭnočnym zachadzie Francyi. Pa papiarednich dadzienych, jość paciarpiełyja.
ouest-france.fr
Na atamnaj elektrastancyi Fłamanvil na paŭnočnym zachadzie Francyi adbyŭsia pažar i vybuch. Pra heta paviedamlaje hazieta Ouest France sa spasyłkaj na miascovuju prefiekturu.
Pa infarmacyi vydańnia, vybuch prahrymieŭ kala 10:00 pa miascovym časie (12:00 pa Minsku).
Jak paviedamiŭ pradstaŭnik prefiekta Aliŭje Marmijon, u vyniku incydentu piać čałaviek atrymali lohkaje atručeńnie čadnym hazam, ale ciažkaparanienych niama. Na miescy zdareńnia pracujuć ekstranyja słužby.
Paviedamlajecca, što pryčynaj vybuchu było karotkaje zamykańnie
Pa dadzienych prefiektury, pahrozy ŭciečki radyjeaktyŭnych rečyvaŭ niama, tamu režym nadzvyčajnaj situacyi nie ŭvodziŭsia. U metach zaściarohi praca pieršaha enierhabłoka prypynienaja.
AES znachodzicca na bierazie praliva Ła-Manš na terytoryi kamuny Fłamanvil u departamiencie Manš. U skład AES ŭvachodziać dva enierhabłoki, pabudavanych u 1980-ch. U ciapierašni čas enierhietyčnaja kampanija Electricite de France (EDF) viadzie budaŭnictva treciaha enierhabłoka. Jaho zapusk zapłanavany na 2018 hod.