Udakładniena: Šejman usio ž zastaŭsia pry «venesuelskaj» pasadzie
Infarmacyja ab źmienie kiraŭnictva biełaruska‑venesuelskaj kamisii pa handlova‑ekanamičnamu supracoŭnictvu nie adpaviadaje sapraŭdnaści.
Infarmacyja ab źmienie kiraŭnictva biełaruska‑venesuelskaj kamisii pa handlova‑ekanamičnamu supracoŭnictvu nie adpaviadaje sapraŭdnaści. Ab hetym zajaviŭ BIEŁTA pres‑sakratar premjer‑ministra Biełarusi Alaksandr Cimašenka.
Jon udakładniŭ, što biełaruska‑venesuelskaja kamisija pa handlova‑ekanamičnamu supracoŭnictvu była stvorana ŭ metach vykanańnia pahadnieńnia pamiž uradami Respubliki Biełaruś z Balivaryjanskaj Respublikaj Venesueła ab handlova‑ekanamičnym supracoŭnictvie, padpisanaha 8 śniežnia 2007 hoda. Paśla prachodžańnia ŭnutrydziaržaŭnych pracedur pastanovaj Savieta Ministraŭ numar 1110 i było naznačana kiraŭnictva hetaj kamisii: staršynioj biełaruskaj častki naznačany pieršy namieśnik premjer‑ministra Biełarusi Uładzimir Siamaška, namieśnikam staršyni — ministar pramysłovaści Anatol Rusiecki.
«Viktar Šejman nikoli nie ŭznačalvaŭ biełaruska‑venesuelskuju kamisiju pa handlova‑ekanamičnamu supracoŭnictvu, — padkreśliŭ Alaksandr Cimašenka. — Jon uznačalvaje, i inšaha rašeńnia nie było, sumiesnuju kamisiju vysokaha ŭzroŭniu, stvoranuju ŭ adpaviednaści z Memarandumam ab uzajemarazumieńni pamiž Respublikaj Biełaruś i Balivaryjanskaj Respublikaj Venesueła ab stvareńni sumiesnaj kamisii vysokaha ŭzroŭniu». Viktar Šejman uznačaliŭ biełaruskuju častku hetaj kamisii ŭ adpaviednaści z Ukazam prezydenta ad 13 vieraśnia 2006 hoda numar 573.
Redakcyja. Prosim u čytačoŭ prabačeńni za niapravilna padadzienuju infarmacyju.