Siamaška ŭdakładniŭ canu rasijskaha hazu dla Biełarusi
Košt rasijskaha hazu dla Biełarusi budzie składać $129 u 2018 hodzie i $127 u 2019 hodzie za 1 tys. kubamietraŭ. Pra heta paviedamiŭ namieśnik premjer-ministra Biełarusi Uładzimir Siamaška ŭ efiry telekanała «Biełaruś 1».
Fota Vadzima Zamiroŭskaha
Pa słovach namieśnika staršyni ŭrada, hetaja cana źjaŭlajecca fiksavanaj «niezaležna ad kanjunktury cen na naftu i haz». Cana na haz dla Biełarusi zasnavana na formule, jakaja pryviazanaja da cany na haz u Jamała-Nienieckaj aŭtanomnaj akruzie.
«Kali b usio zastavałasia jak da pačatku pieramovaŭ, to cana była b pad $ 150, tamu heta źnižka istotnaja», — padkreśliŭ jon.
Akramia taho, pavodle jaho słoŭ, da 1 lipienia 2019 hoda buduć sfarmulavany ŭmovy zaklučeńnia novaha hazavaha kantraktu pamiž dźviuma krainami na pieryjad z 2020 pa 2023 hod.