Małanka spaliła chatu ŭ Pružanskim rajonie
U vioscy Linova Pružanskaha rajona adbyŭsia pažar u draŭlanym žyłym domie, jaki naležyć piensijaniercy 1955 hoda naradžeńnia, paviedamili ŭ Bresckim abłasnym upraŭleńni MNS.
Incydent zdaryŭsia dniom 7 maja. Ahniom źniščany dach, paškodžana pierakryćcie na płoščy 9 kv.m. Jak miarkujecca, pryčyna pažaru - navalničny razrad małanki.
U Bresckim abłasnym UMNS taksama raspaviali jašče ab dvuch pažarach z materyjalnym uronam, jakija adbylisia 7 maja. Tak, u vioscy Hnieŭčycy (Ivanaŭski rajon) hareła pryvatnaja draŭlanaja haspadarčaja pabudova. Ahniom źniščany dach, paškodžanyja ścieny i majomaść. Pryčyna ŭzharańnia vyśviatlajecca. U vioscy Chmielišča (Małarycki rajon) adbyŭsia pažar u pryvatnym draŭlanym žyłym domie. U vyniku zdareńnia ahniom źniščany dach, pierakryćcie, paškodžanyja ścieny, majomaść. Razhladanaja viersija pryčyny pažaru — nieaściarožnaje abychodžańnie z ahniom pry kureńni.