Rada ES kančatkova zaćvierdziła biaźviz dla Ukrainy
Rada ES zaćvierdziła zakanadaŭčuju inicyjatyvu ŭvieści biaźvizavy režym dla hramadzian Ukrainy. Heta apošniaje palityčnaje rašeńnie na šlachu biaźvizavych padarožžaŭ ukraincaŭ.
Rašeńnie pryniali na sustrečy ministraŭ sielskaj haspadarki i rybałoŭstva ES.
Dla ŭviadzieńnia biaźvizavaha režymu zastalisia dźvie farmalnyja pracedury: zakanadaŭčy akt pavinien padpisać prezident Jeŭraparłamienta i pradstaŭnik Malty, jakaja ciapier staršyniuje ŭ ES, a zatym jaho apublikujuć u aficyjnym časopisie ES.
Rašeńnie ŭstupić u siłu i «biaźviz» zapracuje na 21 dzień paśla publikacyi. Padpisańnie adbudziecca 17 maja.
Prezident Ukrainy Piatro Parašenka ŭžo pavinšavaŭ ukraincaŭ z hetym rašeńniem i zajaviŭ, što pajedzie ŭ Strasburh na ŭračystaje padpisańnie zakanadaŭčych źmienaŭ.
«17 maja ŭ Strasburhu — jak my damovilisia z našymi jeŭrapiejskimi siabrami, - uračysta padpišuć adpaviedny zakanadaŭčy akt. Heta, napeŭna, budzie adzin z najvažniejšych maich vizitaŭ za try hady na pasadzie prezidenta», - napisaŭ Parašenka ŭ Facebook.
Parašenka budzie prysutničać na padpisańni ŭ jakaści hościa.
Publikacyja zakona zapłanavana na 22 traŭnia, a pačatak biaźvizavych pajezdak - na 11 červienia 2017 hoda.
Pry hetym u vypadku hrubaha i masavaha parušeńnia praviłaŭ biaźvizavaha režymu ES moža prymianić miechanizm prypynieńnia.