Sudździ Tupik pahražali
15 sutkami aryštu Leninski sud Miensku pakaraŭ 30-hadovaha techničnaha redaktara «Biellitfondu» Paŭła Łoskutava.
15 sutkami aryštu Leninski sud Miensku pakaraŭ 30-hadovaha techničnaha redaktara «Biellitfondu» Paŭła Łoskutava.
Sudździ Viery Tupik 26 sakavika a 1-j hadzinie načy zatelefanavaŭ nieviadomy mužčyna, jaki nazvaŭsia pradstaŭnikom niejkaha «Narodnaha sudzilišča» j pahražaŭ uniasieńniem u «čorny śpis» za prysudy, vyniesienyja demakratyčnym aktyvistam. Sim-karta mabilnaha telefonu, ź jakoha telefanavali sudździ, jak vyśvietliłasia, naležała N. Dziaŭčyna painfarmavała, što kartu pieradavała svajmu siabru Paŭłu Łoskutavu. Na padstavie hetaha faktu Paŭła źvinavacili ŭ pahrozach rabotniku sudu. P.Łoskutavu nie dapamahła zajava, što sim-karta była stračanaja da zvanka.
Pakul dajšło da sudovaha pracesu, spravu paśpieli pierakvalifikavać z kryminalnaj u administracyjnuju. Dokazy taho, što telefanavaŭ Łoskutaŭ, byli tolki ŭskosnyja: ani zapisu zvanka, ani ŭłasna sim-karty abvinavačańnie nia mieła.
U sudovaj pastanovie zapisana, što chacia P.Łoskutaŭ svajoj viny nie pryznaŭ, adnak jana całkam paćviardžajecca materyjałami spravy: zajavaj sudździ Tupik pra pahrozy joj i zafiksavanymi zvankami ź sim-karty.
Zastajecca dadać, što chulihana P.Łoskutava niadaŭna pryniali ŭ Sajuz biełaruskich piśmieńnikaŭ jak maładoha paeta.
Arkadź Šanski