Asudžanaja infarmatar WikiLeaks Čełsi Meninh vyjšła na svabodu
Transhiendar Čełsi Meninh, asudžanaja za pieradaču sakretnych dadzienych WikiLeaks, adpuščanaja z vajennaj turmy ŭ Kanzasie na 28 hadoŭ raniej terminu.
Zhodna z rašeńniem suda, Čełsi Meninh (pry naradžeńni — Bredli Meninh) pavinna była vyjści na volu tolki ŭ 2045 hodzie.
Adnak u studzieni prezident Barak Abama, što pakidaŭ pasadu, źmiakčyŭ prysud.
Prachodziačy słužbu ŭ Iraku ŭ 2010 hodzie, małodšy analityk raźviedki Bredli Meninh pieradaŭ tysiačy dypłamatyčnych depieš i spravazdač ab vajennych dziejańniach sajtu WikiLeaks, stvoranamu Džulianam Asanžam. Heta stała adnoj z samych bujnych uciečak sakretnych dakumientaŭ u historyi ZŠA.
Radavy Meninh zajaviŭ padčas papiarednich słuchańniaŭ, što pieradaŭ dakumienty ŭ nadziei inicyjavać hramadskuju dyskusiju ab mižnarodnaj palitycy i vajennaj stratehii ZŠA.
Jon byŭ prysudžany ŭ 2013 hodzie da 35 hadoŭ pazbaŭleńnia voli. Užo ŭ turmie jon padaŭ zajavu ab źmienie imia i poła.
Meninh adbyvała pakarańnie ŭ turmie dla mužčyn. Advakaty zajaŭlali, što ŭ turmie jana dvojčy sprabavała ździejśnić samahubstva z-za ŭmoŭ utrymańnia.
Sajt WikiLeaks atrymaŭ viadomaść paśla publikacyi sakretnych materyjałaŭ Pientahona, Dziarždepartamienta i inšych dziaržaŭnych orhanaŭ ZŠA.