Mazyrskija ŭłady płanujuć zdavać učastak Prypiaci ŭ arendu dla kamiercyjnaha rybałoŭstva
Bolš za 90 kiłamietraŭ Prypiaci z prylehłymi pojmavymi vadajomami ŭ Mazyrskim rajonie nieŭzabavie majuć zdać u arendu dla pramysłovaha i płatnaha amatarskaha rybałoŭstva.
«Musić być jano zdabytkam narodu i ŭsim adpačyvać adnolkava i pravilna, a chtości z hetaha choča hrošy mieć. Jak heta razumieć? My ličym, što heta nie pravilna», — kaža miascovy žychar.
Pieradać u arendu častku Prypiaci pastanavili na padstavie 508-ha Ukazu kiraŭnika krainy, skiravanaha na pavyšeńnie efiektyŭnaści viadzieńnia haspadarki i rybahaspadarčaje dziejnaści. U Mazyrskim rajvykankamie zapeŭnivajuć, što taki krok nie paŭpłyvaje na mahčymaść adpačyvać na race. Što da rybałki — nibyta dla miascovych jana musić zastacca biaspłatnaja pa ŭsioj terytoryi, a adcinku 13 kiłamietraŭ u miežach Mazyra zdavać u arendu nie buduć.
«Da tam roŭ i płot, kalučy drot. Kudy vy pojdziecie rybačyć, skažycie?», — davodzić svaju praŭdu mužčyna.
Miascovyja žychary nie vierać, što rybałka budzie biaspłatnaj. Łavić rybu za hrošy nie kožny moža sabie dazvolić. Da taho ž ekałahičnyja aktyvisty adznačajuć, što pramysłova łavić rybu tut nielha. Try hady tamu Prypiać užo paciarpieła ad arendy: kolkaść ryby značna źmienšyłasia. Mazyrčuki źbirajuć podpisy za admienu pieradačy raki ŭ arendu.
Ci spraŭdziacca aściarohi, budzie viadoma nieŭzabavie. Tarhi na prava arendy raki adbuducca 22 maja. Startavaja cana Prypiaci pakul składaje krychu bolš za 2 tysiačy rubloŭ.