U Polščy na fabrycy pa vytvorčaści porachu adbyŭsia vybuch
U miascovaści Mankolna ŭ Nižniaj Silezii (Polšča) ranicaj u sieradu adbyŭsia vybuch na pradpryjemstvie pa vytvorčaści porachu, paviedamlaje Radyje Polšča. U vyniku vybuchu 17 čałaviek atrymali ranieńni, čaćviora rabotnikaŭ u ciažkim stanie transpartavanyja ŭ balnicu, adnaho čałavieka šukajuć ratavalniki, adzin čałaviek zahinuŭ.
U vyniku vybuchu budynak zavoda całkam razburany. Na miescy praciahvajuć pracavać pažarnyja i ratavalniki.
Pryčyny vybuchu da hetaha času nie nazvanyja.
Fabryka pa vytvorčaści porachu ŭ Mankolnie źjaŭlajecca adnoj z najstarejšych dziejnych fabryk u śviecie. Vytvorčaść tut pačałasia jašče ŭ XVII stahodździ.