Na dyskatecy ŭ Mścisłavie pjanaja kampanija pabiła milicyjantku, jakaja pryjechała ich supakoić
U kastryčniku 2016 hoda kampanija maładzionaŭ sa Słaŭharada zavitała na dyskateku ŭ susiedni Mścisłaŭ.
Nabraŭšysia ałkaholem, chłopcy pačali bujanić tak, što supracoŭnikam kłuba daviałosia źviarnucca ŭ milicyju — reahavać na vyklik adpravili inśpiektara pa spravach niepaŭnaletnich, žančynu.
Na žančynu ŭ formie kampanija adreahavała nervova — adzin z maładzionaŭ, 26-hadovy chłopiec, udaryŭ jaje kułakom pa tvary, ad čaho taja ŭpała na padłohu. Chłopiec nie spyniŭsia i praciahnuŭ jaje źbivać, čym nanios lohkija cialesnyja paškodžańni ŭ traktoŭcy Kryminalnaha kodeksa.
Za hety ŭčynak maładziona prysudzili da pazbaŭleńnia voli na 2 hady 2 miesiacy ŭ kałonii ŭzmocnienaha režymu.