Tenisista vyhnali z «Rałan Haros» za pacałunki ŭ žyvym efiry
Arhanizatary tenisnaha turniru «Rałan Haros» pazbavili akredytacyi francuzskaha tenisista Maksima Amu, jaki padčas intervju ŭ žyvym efiry niekalki razoŭ pasprabavaŭ pacałavać žurnalistku, piša VVS.
AFP
Fiederacyja tenisa Francyi (FFT) u svajoj zajavie nazvała pavodziny spartsmiena nieprymalnymi. Akramia taho, kiraŭnik FFT paprasiŭ kamisiju pa vyrašeńni sprečnych pytańniaŭ vyvučyć hety epizod.
21-hadovy francuz Maksim Amu, jaki trapiŭ na «Rałan Haros» pa admysłovym zaprašeńni (wild card), u pieršym ža kruzie prajhraŭ uruhvajcu Pabła Kuevasu.
Paśla matča padčas intervju kanału Eurosport jon niekalki razoŭ pasprabavaŭ pacałavać žurnalistku Mali Tomas suprać jaje voli.
Amu taksama trymaŭ jaje za šyju i sprabavaŭ abniać.
Eurosport
Tomas raspaviała Huffington Post France, što dziejańni Amu byli dla jaje vielmi niepryjemnymi. «Kali b ja nie była ŭ žyvym efiry, to ŭdaryła b jaho», — pryznałasia jana.
U pres-słužbie telekanała Eurosport taksama asudzili pavodziny Amu i zajavili, što čakajuć vybačeńniaŭ.
Adkryty čempijanat Francyi pa tenisie, taksama viadomy jak «Rałan Haros» — adzin z čatyroch turniraŭ Vialikaha šlema. Čempijanat startavaŭ 21 maja i zavieršycca 10 červienia.