U centry Kabuła prahrymieŭ mahutny vybuch: dziasiatki achviaraŭ
U stalicy Afhanistana Kabule prahrymieŭ mahutny vybuch. Pavodle paviedamleńniaŭ palicyi, jon adbyŭsia ŭ centralnaj častcy horada niedaloka ad zamiežnych pasolstvaŭ i prezidenckaha pałaca.
«Heta byŭ načynieny vybuchoŭkaj aŭtamabil kala niamieckaha pasolstva, adnak pobač jość i inšyja važnyja ŭstanovy. Ciažka skazać, što było metaj [napadu]», - cytuje Rejter pradstaŭnika kabulskaj palicyi.
U ministerstvie ŭnutranych spraŭ ahienctvu Frans pres paviedamili, što prynamsi 40 čałaviek zahinuli abo byli paranienyja.
Pa dadzienych ministerstva achovy zdaroŭja, bolš za 60 paranienych — bolšaść ź jakich mirnyja žychary — adpraŭlenyja ŭ balnicy.
Vybuch byŭ takoj mahutnaści, što paškodziŭ damy na adlehłaści niekalkich sotniaŭ mietraŭ.
Na zdymkach, jakija publikujucca ŭ sacyjalnych sietkach, vidać vialikaje vobłaka dymu nad horadam.