U Ivacevičach zatrymany padazravany ŭ padpale sacyjalnaj rekłamy
Pa padazreńni ŭ padpale rekłamnaha ščyta ŭ Ivacevičach 4 žniŭnia byŭ zatrymany junak pa imieni Ihar.
Pra heta paviedamlajecca ŭ liście, razasłanym u ŚMI aktyvistami-anarchistami.
Jak my paviedamlali raniej, u Ivacevičach hrupa anarchistaŭ spaliła rekłamny biłbord.
Na biłbordzie było napisana: «Siła zakona ŭ jaho vykanańni».
«Na samaj spravie zakon — heta instrumient ułady dla padaŭleńnia naroda, — havorycca ŭ rassyłcy. — Kali dziaržavie treba, […] lohka parušajuć zakony: źbivajuć […] biełarusaŭ, a niezadavolenych adpraŭlajuć u turmy».
Šmatlikija anarchisty prajšli praz turmy za ŭdzieł u padobnych akcyjach pratestu, jakija dziaržava razhladaje jak złosnaje chulihanstva i psavańnie majomaści.