Siamja z Bresta vypuściła pieršy nakład 3D-kanstruktara Mirskaha zamka
Nie znajšli cikavych biełaruskich cacak — zrabili sami.
Ciarhiej Bachun razam z maci Tamaraj i dačkoj Adelaj.
Raniej my ŭžo pisali pra toje, što bieraściejec Siarhiej Bachun razam z maci Tamaraj i dačkoj Adelaj na kraŭdfandynh-płatformie «Tałaka» źbirajuć hrošy na stvareńnie ŭnikalnaha dla našaj krainy 3D-kanstruktara «Mirski zamak».
Na žal, na «Tałace» prajekt amal nie pajšoŭ, tamu pieršy nakład z 1500 kanstruktaraŭ siamja vypuściła za svaje hrošy.
Makiet zamka zrobleny z kardonu, pamieram 30 na 30 santymietraŭ. Sabrać jaho možna z dapamohaj instrukcyi: biez kleju i nažnic. U kamplekt uvachodziać nie tolki detali zamka, ale jašče i 5 fihurak histaryčnych asob taho času dy žaŭnieraŭ u roznych pozach.
Kanstruktar užo ciapier možna nabyć u minskich kramach: «Moj modny kut», «Akademkniha», Centralnaja kniharnia. Taksama novuju cacku dla dzietak možna zamović praz supołki ŭ sacsietkach: UKantakcie i Fejsbuk.
Kali 3D-madeli buduć zapatrabavanyja, bieraściejcy dojduć i da inšych histaryčnych budynkaŭ — haradskich ratuš, kaściołaŭ, pałacaŭ… A moža, navat uvaskresiać u kardonie toje, što było źniščana i stračana.