«Nie chapiła sałdackich hrošaj? Moža, jašče padkinuć?» — zatrymanamu praparščyku Ukantakcie napisali 800 praklonaŭ
Adzin z zatrymanych pa spravie ab śmierci sałdata Alaksandra Koržyča — jahony praparščyk V. Pavodle śćviardžeńniaŭ siabroŭ Koržyča, heta jon uziaŭ sabie bankaŭskuju kartku sałdata i karystaŭsia joj. Śledčyja paviedamili, što jon źniaŭ i patraciŭ ź jaje 180 rubloŭ.
Staronka V. Ukantakcie tym časam pieratvaryłasia ŭ ścianu dla vykazvańniaŭ usich achvotnych. U kamientarach pad apošniaj karcinkaj užo pad 800 asudžajučych vykazvańniaŭ, časam vielmi rezkich. Niekatoryja ličać jaho vinoŭnym, choć jašče i nie było rašeńnia suda.