Rasija vydała dvuch krymskich tataraŭ Turcyi, kab Erdahan adpuściŭ ich
Pradstaŭnikoŭ Miedžlisa krymskatatarskaha naroda Achtema Čyjhoza i Ilmi Umierava, asudžanych u akupavanym Krymie, vydali tureckamu boku. Pra heta «Ukrainskaj praŭdzie» paviedamiŭ lidar krymskatatarskaha naroda Mustafa Džamiloŭ.
Pavodle jaho słoŭ, Čyjhoza i Umierava spačatku pryvieźli ŭ Simfieropal, zatym samalot zabraŭ ich u Anapu, adkul samalot z pradstaŭnikami Miedžlisa krymskatatarskaha naroda adpraviŭsia ŭ Ankaru.
Džamiloŭ dadaŭ, što hetaja vydača stała mahčymaj dziakujučy damoŭlenaści, dasiahnutaj padčas vizitu prezidenta Tureckaj Respubliki Redžepa Taipa Erdahana va Ukrainu.
Jak viadoma, 11 vieraśnia rasijski sud u anieksavanym Krymie prysudziŭ Achtema Čyjhoza da 8 hadoŭ kałonii strohaha režymu. Jaho abarona padała dźvie apielacyi na heta rašeńnie suda.
Rasiejskija ŭłady akupavanaha Kryma abvinavačvaje jaho ŭ arhanizacyi masavych biesparadkaŭ.
27 vieraśnia Simfieropalski rajonny sud vynies prysud pa spravie Ilmi Umierava i pryznačyŭ jamu pakarańnie ŭ vyhladzie dvuch hadoŭ kałonii-pasialeńnia.