Nazarbajeŭ padpisaŭ ukaz ab pierachodzie Kazachstana na łacinku
Tym ža ŭkazam byŭ zaćvierdžany novy ałfavit, zasnavany na łacinskaj hraficy. Miarkujecca, što Kazachstan admovicca ad kirylicy da 2025 hoda. Nazarbajeŭ raniej tłumačyŭ źmienu ałfavitu «palityčnymi pryčynami»
Prezident Kazachstana Nursułtan Nazarbajeŭ padpisaŭ ukaz ab pačatku mierapryjemstvaŭ pa «paetapnym» pieravodzie kazachskaj movy z kirylicy na łacinku da 2025 hoda. Pra heta havorycca ŭ dakumiencie, apublikavanym na aficyjnym sajcie kiraŭnika dziaržavy.
U pieršuju čarhu ukazam byŭ zaćvierdžany novy ałfavit kazachskaj movy, zasnavany na łacinskaj hraficy.
U im 32 litary, litary staroha ałfavitu na kirylicy zamianiajucca na łacinskija na asnovie ich fanietyčnaha padabienstva. Akramia taho, u novym ałfavicie jość dzieviać litar z apostrafami, jakija aznačajuć, naprykład, šypiačyja i inšyja huki (staroj litary «š» ciapier budzie adpaviadać s ').
Zhodna z ukazam, prezident Kazachstana daručyŭ uradu krainy ŭtvaryć nacyjanalnuju kamisiju pa pieravodzie kazachskaj movy na łacinskuju hrafiku, asnoŭnaj zadačaj jakoj budzie paetapnaje zabieśpiačeńnie pieravodu ałfavitu kazachskaj movy na łacinskuju hrafiku da 2025 hoda. «Kantrol za vykanańniem hetaha Ukaza ŭskłaści na Administracyju Prezidenta Respubliki Kazachstan», - havorycca ŭ paviedamleńni.
Upieršyniu ideja pieravieści kazachskuju movu z kirylicy na łacinku była ahučana ŭ 2012 hodzie. Tady dataj pierachodu na novy pravapis byŭ taksama nazvany 2025 hod.
Zhodna z pastanovaj CVK Kazachskaj SSR ad 1929 hoda, kazachskaja mova pieršapačatkova była zasnavana na łacinskaj hraficy, kazaŭ Nazarbajeŭ. Pierachod na kirylicu adbyŭsia ŭ 1940 hodzie. Da hetaha, z Ch pa XX stahodździe, kazachi karystalisia arabskim piśmom. Zaraz łacinski ałfavit vykarystoŭvajuć kazachskija dyjaspary za miažoj.