Milicyja znajšła «tralejbusnych Robin Hudaŭ», im pahražaje da 5 hadoŭ
19 kastryčnika dvoje pasažyraŭ zabrali ŭ kiroŭcy tralejbusa prajaznyja tałony i razdali ich pasažyram. 1 listapada mužčyn znajšli.
Pakul što pravodzicca pravierka dziejańniaŭ mužčynaŭ, paviedamlaje telegraf.by. Kali padziei ŭ tralejbusie kvalifikujuć jak rabaŭnictva, mužčyny mohuć atrymać da 5 hadoŭ pazbaŭleńnia voli.
Nahadajem, što padčas ruchu tralejbusa pa maršrucie zdaryłasia avaryja. Kiroŭca byŭ vymušany adchilicca ad maršrutu. Pra heta jon abviaściŭ pasažyram. Adnak dvum pasažyram-mužčynam heta nie spadabałasia. Na prypynku jany vyjšli z sałona tralejbusa, zajšli ŭ kabinu kiroŭcy i zapatrabavali pakryć apłačany prajezd, bo ruch pa novym maršrucie ich nie zadavalniaje.
U vyniku mužčyny zabrali prajaznyja tałony, što lažali na prybornaj paneli, uziali niekalki sabie, a astatnija razdali inšym niezadavolenym pasažyram.