ID uziała na siabie adkaznaść za terakt u Ńju-Jorku
Terarystyčnaja arhanizacyja «Isłamskaja dziaržava» paćvierdziła svajo dačynieńnie da teraktu ŭ Ńju-Jorku.
Pa śćviardžeńni ID, napadnik źjaŭlajecca «adnym z sałdat chalifata». Inšych padrabiaznaściaŭ u zajavie nie pryvodzicca.
31 kastryčnika 29-hadovy vychadziec z Uźbiekistana Sajfuło Saipaŭ, što znachodziŭsia za rulom hruzavika, naŭmysna ździejśniŭ najezd na piešachodaŭ u Ńju-Jorku na Manchetanie, a taksama sutyknuŭsia sa školnym aŭtobusam, jaki pieravoziŭ dziaciej-invalidaŭ. U vyniku zahinuli vosiem čałaviek, jašče 15 paciarpieli.
Saipaŭ mieŭ namier zabić jašče bolš ludziej, prajechaŭšy na Bruklinski most.