Pjanaja babula z dvuma ŭnukami ŭčyniła DTZ
U Minsku pjanaja babula na «Suzuki» z dvuma ŭnukami na pasažyrskich miescach urezałasia ŭ inšaje aŭto.
DTZ adbyłosia 2 listapada kala 20.50 na vulicy Miaśnikova.
Kiroŭca - 57-hadovaja žančyna — jechała z boku vulicy Biersana ŭ napramku Niamihi. Pry hetym na zadnim siadzieńni ŭ dziciačych kresłach jana pieravoziła svaich unukaŭ, jakim 5 i 7 hadoŭ, paviedamlaje BIEŁTA sa spasyłkaj na minskaje DAI.
Žančyna ŭrezałasia ŭ pryparkavanuju mašynu «Micubisi». U DTZ nichto nie paciarpieŭ. Ale vyśvietliłasia, što ŭ babulinaj kryvi 1,63 pramile ałkaholu.
Pravaachoŭnikam kabieta patłumačyła, što za hadzinu da pajezdki vypiła čarku chatniaj nastojki.