U Jandeks.Markiecie ciapier možna zamaŭlać tavary z Kitaja, jak z AliEkspresa
Kampanija «Jandeks» stvaryła ŭ «Jandeks.Markiecie» asobny raździeł «Tavary z Kitaja». U Biełarusi siervis pracuje pakul u testavym režymie, chacia ŭ Rasii ŭ im užo pradstaŭlena bolš jak 500 tysiač tavaraŭ. Takim čynam, na terytoryi Biełarusi ŭ «AliEkspresa» źjaviŭsia adziny sapraŭdy vialiki kankurent.
Jak paviedamiła «Našaj Nivie» kiraŭnica pres-słužby Jandeksa Natalla Žuraŭlova, hałoŭnaja ideja novaha servisa — adziny karystalnicki interfiejs dla zamovy tavaraŭ miascovych i kitajskich pradaŭcoŭ, kab zrabić šopinh bolš zručnym.
Pradstaŭniki servisu adznačajuć, što ich «kitajski» raździeł maje šerah pryncypovych pieravah: znosiny z pakupnikami na ruskaj movie (pradaŭcy AliExpress razumiejuć u lepšym vypadku anhlijskuju) i biaspłatnuju dastaŭku.
«Jandeks.Markiet» — sajt, na jakim pakupniki mohuć paraŭnoŭvać ceny na adnolkavyja tavary ad roznych pradaŭcoŭ, zamaŭlać ich, a taksama dzialicca svaimi vodhukami i stavić acenki.