JESPČ kančatkova admoviŭ Rasii ŭ pierahladzie rašeńnia pa zakonie ab hiej-prapahandzie
Jeŭrapiejski Sud pa pravach čałavieka vyrašyŭ nie pierahladać svajho rašeńnia, jakoje pryznała rasijski zakon ab zabaronie hiej-prapahandy dyskryminacyjnym — skazana ŭ zborniku rašeńniaŭ, apublikavanym na sajcie suda.
Skarhu na Rasieju ŭ JESPČ raniej padavali try aktyvisty ŁHBT-ruchu — Mikałaj Bajeŭ, Mikałaj Alaksiejeŭ i Alaksiej Kisialoŭ. Jany nastojvali, što zakanadaŭčaja zabarona na prapahandu nietradycyjnych adnosin siarod niepaŭnaletnich supiarečyć svabodzie vykazvańnia i źjaŭlajecca dyskryminacyjnym.
Ich skarhi tyčylisia u tym liku asobnych zakonaŭ Archanhielskaj, Razanskaj abłaściej i Sankt-Pieciarburha. Zajaŭniki byli pryznanyja vinavatymi ŭ parušeńni hetych zakonaŭ u Rasii ŭ listapadzie 2009 hoda i lipieni 2012 hoda. Ułady Rasii z hetym nie pahadzilisia i paprasili JESPČ pierahledzieć rašeńnie.
Sud u vyniku staŭ na bok traich zajaŭnikaŭ i pastanaviŭ, što rasijski zakon ab zabaronie prapahandy nietradycyjnych seksualnych adnosin siarod niepaŭnaletnich parušaje prava na svabodu samavyjaŭleńnia i ŭtrymlivaje dyskryminacyju. JESPČ taksama pastanaviŭ abaviazać Rasiju vypłacić pazoŭnikam kampiensacyi na ahulnuju sumu € 49 tys.