U Kazachstanie aštrafavali hrupu čechaŭ, jakija fatahrafavalisia ŭ kupalnikach Borata
6 hramadzianaŭ Čechii byli zatrymanyja ŭ minułuju piatnicu palicyjaj Astany ŭ toj momant, kali jany ŭ kupalnikach Borata na marozie sprabavali sfatahrafavacca kala nadpisu «I love Astana», paviedamlaje informburo.kz
U toj ža dzień češskija turysty byli asudžanyja pa administracyjnym artykule za drobnaje chulihanstva i prysudžanyja da štrafaŭ, paśla čaho adpuščanyja.
Hramadzianie Čechii kala nadpisu «I love Astana» Fota: informburo.kz
Film Berana Koena «Borat» vyjšaŭ u prakat u 2006 hodzie. Pavodle siužetu kazachski žurnalist Borat Sahdzijeŭ jedzie ŭ Kaliforniju, kab ažanicca z zorkaju Playboy Pamełaj Andersan.
Film aficyjna nie zabaronieny ŭ Kazachstanie, adnak u pačatku 2016 hoda aficyjny pradstaŭnik MZS Kazachstana Jeržan Ašykbajeŭ publična vykazaŭ nadzieju, «što kampanii-prakatčyki prajaviać adkaznaść i nie buduć pakazvać hety film».
Paźniej ŭłady pryznali, što film «Borat» zabiaśpiečyŭ Kazachstanu niadrennuju rekłamu. Patok turystaŭ u krainu značna vyras.
***