Hienprakuror: Ja asabista sustrakaŭsia z mamaj sałdata Koržyča
Hienprakuror Alaksandr Kaniuk raspavioŭ pra spravu Alaksandra Koržyča, jaki zahinuŭ u Piečach.
— Ja asabista sustrakaŭsia z mamaj Koržyča, my abmierkavali, što jana budzie asabista prymać udzieł u niekatorych śledčych dziejańniach, — raspavioŭ hienprakuror Alaksandr Kaniuk.
Jon nie staŭ raskryvać usie padrabiaznaści kryminalnaj spravy, ale adznačyŭ, što siońnia raspačata 15 kryminalnych spraŭ, prykładna stolki ž čałaviek źjaŭlajucca fihurantami spravy.
Nahadajem, cieła sałdata Alaksandra Koržyča było znojdziena 3 kastryčnika ŭ Piečach. Śledčy kamitet rasśleduje niekalki kryminalnych spraŭ, abvinavaciŭšy fihurantaŭ ŭ ŭ niestatutnyja adnosiny, pieravyšeńni słužbovych paŭnamoctvaŭ i machlarstvie. Akramia taho, vyśviatlajecca jak zahinuŭ sałdat Koržyč, jakoha znajšli miortvym u padvale z majkaj na hałavie i źviazanymi šnurkami. U śledčych try viersii: suicyd, daviadzieńnie da suicydu i zabojstva. Paśla trahiedyi kiraŭnictva čaści ŭ Piečach było adchilena.