Rejtynh Milinkieviča raście
Ciońnia za novaha lidera apazycyi hatovyja prahałasavać 18,1% vybarcaŭ.
Ciońnia za novaha lidera apazycyi hatovyja prahałasavać 18,1% vybarcaŭ.
Heta vyjaviła apytańnie hramadzkaj dumki, praviedzienaje ŭ śniežni pry spryjańni hrupy prafesara Manajeva. Rejtynh adzinaha kandydata ros na 9% u miesiac: Milinkievič startavaŭ z nulavoj viadomaści pierad Kanhresam demakratyčnych siłaŭ i za dva miesiacy kansalidavaŭ sympatyi pierakananych praciŭnikaŭ Łukašenki. Vyhladaje, što sioleta demakra- ty spynili vybar na bolš vyjhryšnaj fihury, čym u 2001-m.
Rejtynh A.Łukašenki vyras za dva miesiacy na 5% i ciapier składaje pry zakrytym apytańni 54,1%.
Što cikava, pry adkrytym apytańni rejtynh A.Łukašenki mała mianiajecca (52,5%). A A.Milinkieviča ŭ hetym vypadku nazyvajuć 6,6%. Papularnaść astatnich palitykaŭ zastajecca ŭ miežach statystyčnaj pamyłki: za A.Labiedźku hatovyja hałasavać 2,4%, S.Hajdukieviča — 1,2%, Z.Paźniaka — 1,1% vybarcaŭ, za astatnich — mienš za 1%.
Usiaho było apytana 1514 čałaviek. Pamyłka reprezentatyŭnaści nia bolšaja za 3%. Nahadajem, što z 1994 h. najvyšejšych siarod apanentaŭ A.Łukašenki pakazčykaŭ dasiahaŭ rejtynh Zianona Paźniaka — 16% u 1996 hodzie.
Fota Andreja Lankieviča